Emakume Master Cup
Asteazkenean, hilaren 6an, emakumeen pilotako finalak
eitb.eus
Lehen Mailan Maite Iriarte vs Eneritz Arrieta arituko dira eta elitean Leire Etxaniz vs Maider Mendizabal.
Finalen kartela
Hurrengo asteazkenean, hilaren 6an, Emakume Master Cupeko finalak jokatuko dira Sopelan (12:00etan); ETBk eta eitb.eus-ek zuzenean eskainiko dute jaialdia.
Astelehenean, hilak 4, 'Laboral Kutxa Emakume Master Cup' pilota-txapelketaren finaleko aurkezpena izango da, eguerdiko 12:00etatik aurrera, Bilboko Euskalduna Jauregian. Prentsaurrekoan, besteak beste, finala jokatuko duten pilotariek parte hartuko dute.
Euskal Herri osoko -eta Euskal Herritik kanpoko- hirurogeita hamar bat pilotarik parte hartu dute bi mailatan: elite eta Lehen Mailan eta finalaren egunera arte hainbat herritan jokatu dira kanporaketen partidak: Santurtzin, Oñatin, Anoetan, Azpeitian, Lezaman eta Berrizen, esaterako.
Finalak
Maite Iriarte (Azpeitia) vs Eneritz Arrieta (Azkoitia) Lehen mailako finala.
Leire Etxaniz (Etxebarria) vs Maider Mendizabal (Anoeta), Elite mailako finala.