Lesio larria
Aimar Olaizola, 4 hilabete baja
eitb.eus
Astelehenean Beasainen egin zuen entrenamenduan lesionatu zen. Koadrizepseko tendoi lotunea askatu egin zaio, ez diote ebakuntzarik egingo, baina lesioa larri da.
Your browser doesn’t support HTML5 video
EiTBk jakin duenez, Aimar Olaizola lau hilabetez egongo da bajan, gutxi gorabehera. Goizuetako pilotariari ezker hankako koadrizepseko tendoi lotunea askatu egin zaio.
Olaizolak, Jon Ander Albisurekin batera, Binakako Txapelketako 12. jardunaldiko partida jokatu behar zuen igande honetan, Gasteizeko Ogeta pilotalekuan, Mikel Artola eta Jon Mariezkurrena bikotearen kontra.
39 urteko pilotariarentzat albiste oso txarra izan da lesioa eta lehiaketatik at geratzea. Bere lekua Axier Arteaga II.ak hartuko du igande honetan.