Akordiorik ez
Baikoko pilotariek greba mantentzea erabaki dute
Erredakzioa
Enpresarekin astearte honetan izandako batzarra akordiorik gabe bukatu da, nahiz eta aurrerapen txiki batzuk eman diren.
Your browser doesn’t support HTML5 video
Datorren astebururako greba mantentzea erabaki dute Baikoko pilotariek astearte honetan enpresarekin akordiorik gabeko beste batzar bat izan ostean. Hala ere, aurrerapen txiki batzuk eman dira.
Entrenamendu-erregimena, barne-erregimena eta "lan-baldintzen inguruko kontuei buruz" negoziatzeko borondatea azaldu du Baikok. Horiek dira pilotariek aldarrikatzen dituzten puntuetako batzuk.
Kontratua berritu ez dieten Laso, Mariezkurrena, Victor eta Eskiroz pilotariak berriz onartzeko eskareraren inguruan, Baikok konponbide partzial bilatu ahal izateko atea zabalik uzten du, nahiz eta ez dagoen prest aldarrikapen hau bere osotasunean onartzeko, "enpresaren egoera ekonomikoagatik eta pilotari gehiegi dituelako".
Bestalde, Baikok ez du onartzen lan hitzarmen kolektiboaren eskaera, honakoa argudiatuta: "Ez gaude kostuak eta gastuak handitzeko moduko egoeran, greba-batzordeak eskatzen duen lan hitzarmen kolektiboak 150.000 euro inguruko gastua suposatzen baitu".
Ondorioz, grebak aurrera egingo du, bi aldeak ez dira akordiora iritsi, baina zenbait aldarrikapenetan aurrerapen txiki batzuk eman dira.