Jai Alai Winter Series
Erkiaga-Zabala bikoteak final handia jokatuko du
EITB Media
Beaskoetxea eta Aldazabal 15-7, 10-15 eta 5-1 gainditu dute berdinketa hausteko setean hobetu jokatu eta gero.
Your browser doesn’t support HTML5 video
Jai Alai Winter Series txapelketako ligaxka amaituta, finalerdiak dira jokoan eta bart gorriz jokatu zuten Erkiaga-Zabala bikoteak final handia jokatuko du Gernikako Jai Alai frontoian.
1.400 zaleren aurrean, A Multzoan agindu duen Erkiaga-Zabala bikoteak indarrak neurtuko zituen B Multzoan bigarren izan ziren Beaskoetxearen eta Aldazabalen kontra.
Lehen seta aise irabazi zuten Erkiagak eta Zabalak 15 eta 7, baina Beaskoetxea eta Aldazabal bikoteak erreakzionatu eta 10-15 agindu zuten bigarrenean. Berdinketa hausteko hirugarren setan jokatu behar izan zuten eta hor gorriek huts gutxiago egin eta finalerako txartela eskuratu zuten.
Hurrengo finalerdia hilaren 14an jokatuko da, eta A Multzoan bigarren geratu den bikoteak, Olharan-Etcheto, B Multzoko bikote onena izango dute aurkari: Goikoetxea eta Aimar.
Neurketa guztiak ETB1en eta eitb.eus-en ikusi ahal dira, 22:30ean hasita.
SAILKAPENA
A MULTZOA
1. ERKIAGA-ZABALA: 7 puntu
2. OLHARAN-ETCHETO: 3 puntu
3. BARANDIKA-LEKERIKA: 2 puntu
B MULTZOA
1. GOIKOETXEA-AIMAR: 5 puntu
2. BEASKOETXEA-ALDAZABAL: 4 puntu
3. ARBE-LOPEZ: 2 puntu
Jai Alai frontoia, jendez gainezka
EGUTEGIA
ERKIAGA-ZABALA vs BARANDIKA-LEKERIKA: 12-15, 15-14 eta 5-3.
ARBE-LOPEZ vs BEASKOETXEA-ALDAZABAL: 12-15 eta 9-15.
OLHARAN-ETCHETO vs ERKIAGA-ZABALA: 11-15 eta 8-15.
GOIKOETXEA-AIMAR vs BEASKOETXEA-ALDAZABAL: 15-12 eta 15-7
BARANDIKA-LEKERIKA vs OLHARAN-ETCHETO: 15-13, 11-15 eta 2-5.
GOIKOETXEA-AIMAR vs ARBE-LOPEZ: 15-10, 8-15 eta 3-5
Lehen finalerdia, ERKIAGA-ZABALA vs BEASKOETXEA-ALDAZABAL: 15-7, 10-15 eta 5-1
Martxoak 14: Bigarren finalerdia (22:30, ETB1 eta eitb.eus).
Martxoak 20: Finala (22:30, ETB1 eta eitb.eus).