Olharan-Etcheto vs Goikoetxea-Aimar, finalerako bigarren txartela jokoan

Jai Alai Winter Series txapelketako bigarren finalerdia jokatuko da gaur gauean Gernikako Jai Alai frontoian

Beraz, A Multzoan bigarren geratu den bikoteak, Olharan-Etcheto, B Multzoko bikote onena izango du aurkari: Goikoetxea eta Aimar. Oso partida parekatua espero da.

Ligaxkan, Olharanek eta Etchetok 11-15 eta 8-15 galdu zuten Erkiagaren eta Zabalaren kontra, eta partida erabakigarrian 15-13, 11-15 eta 2-5 gainditu zuten Barandika -Lekerika bikotea sailkapena lortzeko.

Goikoetxea eta Aimar, bestalde, 15-12 eta 15-7 nagusitu ziren Beaskoetxearen eta Aldazabalen kontra, eta 2-1 galdu zuten Lopezen eta Arberen aurka (15-10, 8-15 eta 3-5) finalerdietarako txartela lortzeko bidean.

Erkiaga eta Zabala, finalean

Bikote irabazleak Erkiaga-Zabala bikotea izango du aurrean final handian.

Lehen finalerdian, aurreneko seta aise irabazi zuten Erkiagak eta Zabalak, 15-7, baina Beaskoetxea eta Aldazabal 10-15 nagusitu ziren bigarrenean. Berdinketa hausteko, hirugarren seta jokatu behar izan zuten, eta hor gorriek huts gutxiago egin eta finalerako txartela eskuratu zuten.

Neurketa guztiak ETB1en eta eitb.eus-en ikusi ahal dira, 22:30ean hasita.

EGUTEGIA

Ligaxka

ERKIAGA-ZABALA vs BARANDIKA-LEKERIKA: 12-15, 15-14 eta 5-3.

ARBE-LOPEZ vs BEASKOETXEA-ALDAZABAL: 12-15 eta 9-15.

OLHARAN-ETCHETO vs ERKIAGA-ZABALA: 11-15 eta 8-15.

GOIKOETXEA-AIMAR vs BEASKOETXEA-ALDAZABAL: 15-12 eta 15-7.

BARANDIKA-LEKERIKA vs OLHARAN-ETCHETO: 15-13, 11-15 eta 2-5.

GOIKOETXEA-AIMAR vs ARBE-LOPEZ: 15-10, 8-15 eta 3-5.

Lehen finalerdia

ERKIAGA-ZABALA vs BEASKOETXEA-ALDAZABAL: 15-7, 10-15 eta 5-1.

Bigarren finalerdia

Martxoak 14 (22:30): OLHARAN-ETCHETO vs GOIKOETXEA-AIMAR.

Finala

Martxoak 20, igandea.