BI URTEZ
Baikok Iraitz Zubizarretaren kontratua luzatu du
EITB MEDIA
Aurrelari ataundarrak beste bi urtez jarraituko du Bilboko enpresarekin.
Iraitz Zubizarreta. Argazkia: EITBren bideo batetik hartutako irudia
Baiko Pilotak ostegun honetan iragarri duenez, beste bi urtez luzatuko du Iraitz Zubizarretarekin zeukan kontratua.
Aurrelari ataundarrak 2020ko irailean debutatu zuen profesional gisa, eta 2021ean 4 t'erdiko Promozio Txapelketako finalera iritsi zen, nahiz eta galdu egin zuen Joanes Bakaikoaren aurka (22-10).
Zubizarreta III.ak bihar bertan jokatuko du Amurrioko jaialdiko bigarren partida Aretxabaletarekin bikotea osatuz, eta oraintsu kontratua berritu duen Iker Larrazabal eta Eskiroz izango ditu aurkari.