Berritzeak
Tolosak, Zabalak, Bikuñak, Erostarbek eta Egigurenek kontratua berritu dute Asperekin
EITB MEDIA
Xabi Tolosak, Iñigo Bikuñak, Javier Zabalak eta Xabi Erostarbek bi urtez luzatu dute. Julen Egiguren aurrelariak, berriz, urtebete gehiago jarraituko du.
Xabier Tolosa. Argazkia: EITB Media
Aspe enpresak hainbat pilotariren kontratu berritzeak jakinarazi ditu astelehen honetan.
Guztira hiru atzelarik eta bi aurrelarik berritu dituzte kontratuak. Xabi Tolosak, Iñigo Bikuñak, Javier Zabalak eta Xabi Erostarbek bi urtez luzatu dute Eibarko enpresarekin duten lotura, 2025eko abenduaren 31ra arte. Julen Egiguren aurrelariak, berriz, urtebete gehiago jarraituko du.