Jardunaldi bikoitza, Eusko Label Winter Seriesen: Olharan-Del Rio vs Erik-Bailo / Arbe-Manci vs Laduche-Gorka

Astelehen honetan, urtarrilak 22, jardunaldi bikoitza jokatuko dute Eusko Label Winter Series txapelketan. Batetik, joan den astean hezetasunagatik bertan behera utzitako partidari berrekingo diote Olharan-Del Rio eta Erik-Bailo bikoteek. Olharan eta Del Rio 8-7 irabazten ari zirela eten zuten neurketa, eta hortik abiatuko dute.

Aurrez aurreko horretan gertatzen denaren arabera, jakingo dugu bigarren finalaurrekoetan Johan eta Lopezen aurka zein bikotek jokatuko duen. Lehen finalaurrekoan, urtarrilaren 29an, Goikoetxea-Lekerika eta Johan-Lopez bikoteek neurtuko dituzte indarrak.

Bestetik, Arbe-Manci eta Laduche-Gorka bikoteek txapelketako 12. jardunaldia jokatuko dute astelehen honetan, ligaxkako azkena.

Bi norgehiagokak EITBn ikusgai izango dira, ETB1en eta eitb.eus-en.