AURKEZPENA
2024ko Donostia Hiria Torneoa abuztuaren 26tik 30era jokatuko dute
AGENTZIAK | EITB Media
Astelehen goizean egindako aurkezpenean azaldutakoaren arabera, Atano III.a pilotalekuan izango da, bi finalerdi eta azken finalarekin.
Donostia Hiria Torneoaren aurkezpen ekitaldia. ARGAZKIA: EITB MEDIA
Abuztuaren bukaeran jokatuko den Donostia Hiria Torneoa aurkeztu dute astelehen honetan Gipuzkoako hiriburuan. Torneoak hiru jaialdi jasoko ditu guztira, eta Atano III.a pilotalekuan jokatuko da abuztuaren 26tik 30era.
Abuztuaren 26an, lehen finalerdian, Altuna-Rezusta bikoteak Peio Etxeberria eta Jose Javier Zabaleta Binakako Txapelketako egungo txapeldunen aurka jokatuko du, 22:00etan. Abuztuaren 27an, aldiz, Artolak eta Mariezkurrenak Laso eta Imaz izango dituzte aurkari. Azkenik, finala hilaren 30ean izango da eta zuzenean jarraitu ahal izango da eitb.eus atarian eta ETB1en.