Zesta punta
Barandika-Lopez eta Goitia-Del Rio aurrez aurre, Eusko Label Winter Seriesen 9. jardunaldian
EITB MEDIA
Neurketa ETB1en eta eitb.eus-en izango da ikusgai, 21:45etik aurrera. Bi bikoteak txapelketatik kanpo daude dagoeneko, ez dutelako finalaurreko ligaxkarako sailkatzea lortu.
Eusko Label Winter Serieseko puntistak
Eusko Label Winter Series zesta-punta txapelketako 9. jardunaldia jokatuko dute gaur gauean Barandika-Lopez eta Goitia-Del Rio bikoteek, A taldean. EITBk norgehiagoka ikusteko aukera emango du, 21:45ean hasita, ETB1en eta eitb.eus-en.
Ez dute ezer jokoan, txapelketatik kanpo baitaude; izan ere, orain arte jokatutako bi partidak galdu dituztenez, ezin izan dute aurrera egin.
Zehaztuta dago, dagoeneko, zein lau bikotek jokatuko duten urtarrilaren 6an hasiko den finalerdietako ligaxka: A multzoan, Urreisti-Gorka eta Laduche-Manci sailkatu dira, eta, B multzoan, aldiz, Erkiaga-Ibarluzea eta Urrutia-Basque.