"Erremontari" saioko Ezkurra II-Juanenea vs Aldabe-Barrenetxea IV finalerdia, gaur, ETB1en eta eitb.eus-en

Ezkurra II-Juanenea vs Aldabe-Barrenetxea IV bikoteek Sagardoaren Txapelketako "Erremontari" saioaren finalaurreko neurketa jokatuko dute gaur, ekainak 9, Hernaniko Galarreta frontoian.

Partida gaur gauean, 22:20etik aurrera, ETB1en eta eitb.eus-en izango da ikusgai.

Ezkurra II.a eta Juanenea Ansa II.a eta Zubiri mendean hartu ostean sailkatu ziren "Erremontari"ren finalaurrekorako; Aldabe eta Barrenetxea IV.a, berriz, Azpiroz eta Segurola garaituta heldu dira gaurko hitzordura. Gaurko garaileek Javi Urriza eta Iban Larrañaga izango dituzte aurkari, ekainaren 16ko final handian.