Eurokopa
Katsikaris: 'Europan jarraitzeko ahalegin handia egin beharko dugu'
Erredakzioa
Uxue Bilbao Basketeko teknikariak taldeak Rigaren aurka defentsan egindako akats argiak azpimarraru ditu.
Fotis Katsikaris. Argazkia: EFE
Fotis Katsikaris Uxue Bilbao Basketeko entrenatzaileak Rigan Last 16ko bigarren porrota jaso ondoren “taldeak ahalegin handia” egin beharko duela azpimarratu du. Bilboko taldeak hurrengo lau neurketak irabazi egin beharko ditu Eurokopako final-laurdenetarako sailkatzeko.
Greziako prestatzaileak “edozein taldek denboraldi batean izan dezakeen egun kaskarra” izan dutela adierazi du. Hala ere, Uxueri “denboraldiko unerik garrantzitsuenean” gertatu zaiola azpimarratu du.
Katsikarisek defentsan gaizki egon direla azaldu du, eta buruz burukoetan Rigako taldea aise nagusitu dela azpimarratu du.
“Oraindik ez dut jokalariekin hitz egin, ez delako une aproposa. Adrenalinarekin ezin daiteke ondoriorik atera. Partida ondo aztertu ondoren hitz egingo dugu”, esan du greziarrak.
“Taldeak behar zuen freskotasuna falta izan zaigu, aurkaria oso leherkorra baita. Aurreneko zatiko arazo nagusia buruz burukoetan egindako defentsa kaskarra izan da, baina Rigak azkeneko segundoetan hirukoekin zortea izan du”, azaldu du Fotis Katsikasirek.