Apirilaren 19an
Eurocupeko finala, berriro Charleroin
Erredakzioa
Belgikako hiriak 2004 eta 2007 artean jokatutako finalak hartu zituen. Orduan Hapoel (2004), Lietuvos Rytas (2005) , Moskuko Dynamo (2006) eta Real Madril (2007).
Bizkaitar askok egingo dute Charleroira bidaia. Efe.
Eurocupeko finala 'etxera' bueltatzen da aurten, Charleroi hiriko RTL Spiroudome kantxara, eta duela urte batzuetako formartua berreskuratuta, hau da, partida bakarreko finalera, azken edizioetan 'final four' eran egin ostean.
Charleroin lau urtez jarraian jokatu dute finala iragan hamarkadan, eta Eurocupeko finalaren egoitza izango da aurten eta datorren urtean.
Spiroudomen lau talde handik jantzi dute Eurocupeko txapela: Hapoel Migdal Jerusalemek (2004), Lietuvos Rytasek (2005), Moskuko Dynamok (2006) eta Real Madrilek (2007).
Azken edizioetan, finaleko ligaska asteburu luze batean jokatu izan da, final-laurdenak eta finalerdiak sartuta, Torinon, Gasteizen, Trevison eta Khimkin egin bezala. 2013tik aurrera, eta Euroligaren eta Belgacom Spirouren arteko akordioari esker, partida bakarra jokatuko da, Charleroin, 2013an eta 2014an.
Charleroi saskibaloi zaleak hartzera ohituta dagoen hiria da, izan ere, 2004 eta 2007 arteko finaletan milaka pertsona bildu baitziren Real Madril, Lietuvos Rytas, Moskuko Dynamo eta Hapoel Jerusalem taldeak ikusteko.
Azken 10 urteetako txapeldunak:
2012: BC Khimki Moscow Region
2011: Unics Kazan
2010: Power Electronics Valencia
2009: Lietuvos Rytas
2008: DKV Joventut
2007: Real Madrid
2006: Dynamo Moscow
2005: Lietuvos Rytas
2004: Hapoel Migdal Jerusalem
2003: Pamesa Valencia