Agur
Katsikarisek ez du Uxue Bilbao Basketen jarraituko
Erredakzioa
Rafael Pueyo greziarraren laguntzailea izan liteke beltzezko gizonen hurrengo entrenatzailea.
Your browser doesn’t support HTML5 video
Fotis Katsikarisek ez du Uxue Bilbao Basketen jarraituko, klubak jakinarazi duenez. Teknikari greziarrak 185 partida ofizial zuzendu ditu, eta aurten Eurokopako finalerako sailkatu du taldea. Aurrerantzean, Errusiako selekzioa entrenatuko du.
2009-2010 denboraldiko lehen itzulia bukatzean heldu zen Katsikaris Bilbora, Txus Vidorretaren ordez, eta gutxigatik ez zuen Uxuek playoffetarako txartela lortu.
Hurrengo denboraldian, bigarren postuan bukatu zuen liga Bilboko taldeak, eta urte horretan jaio zen "Miribilla efektua". 2011-2012 denboraldian irudi ona eskaini zuen Bilbao Basketek Euroligan.
Aurten, Eurokopako entrenatzaile onena izendatu dute Katsikaris. Beltzezko gizonek finalerako txartela eskuratu zuten, baina ezin izan zuten Lokomotiv gainditu.
Klubak ez du jakitera eman nor izango den Katsikarisen ordezkoa, baina Rafael Pueyo greziarraren laguntzailea izan liteke.