Eurokopa
Bilbao Basketek 94-100 irabazi du Sassarin
Erredakzioa
Rafa Pueyoren gizonek luzapenean irabazi dute Eurokopako bigarren norgehiagoka. Kavaliauskas eta Mumbru Bilboko taldeko onenak izan dira.
Bilbao Basket. Artxiboko argazkia: EFE
Bilbao Basketek sufritu egin du Dinamo Sassari taldearen kontra, baina Eurokopako bigarren garaipena eskuratu du (94-100). Bizkaiko taldeak luzapenean irabazi du neurketa, Alex Mumbruk eta Antanas Kavaliauskasek egindako lanari esker. Garaipen honekin, Pueyoren gizonak B multzoko lider jarri dira.
Mumbruk norgehiagoka ikusgarria jokatu du, berriz ere, (18 puntu, 7 errebote, 6 falta jaso ditu, eta 30 puntuko balorazioa), eta Kavaliauskas lituaniarrak ederki lagundu dio taula azpian (21 puntu, 9 errebote eta 30eko balorazioa). Sardiniako taldeak hiruko saskiratzeekin min handia egin dio Bilbao Basketi, baina talde beltzak ederki jokatu ditu luzapeneko bost minutuak.
- Fitxa teknikoa:
94 - Dinamo Sassari (18+23+20+21+12): Travis Diener (6), Marques Green (19), Omar Thomas (5), Caleb Green (11) eta Linton Johnson (8) –hasierako bostekoa–; Juan Fernandez (5), Drake Diener (23), Brian Sacchetti (10), Vanuzzio (7) eta Tessitori (-).
100 - Bilbao Basket (25+21+11+25+18): Raul Lopez (7), Bertans (17), Mumbru (18), Hervelle (2) eta Carmichael (7) –hasierako bostekoa–; Grimau (2), Pilepic (11), Lukauskis (3), Gabriel (12) eta Kavaliauskas (21).
Partzialak: 18-25, 41-46 (atsedenaldian); 61-57, 82-82 (4. laurdenaren bukaeran) eta 92-100 (luzapenean).