Igandean, 12:15ean
Bilbao Basketek zaleen laguntza beharko du, Valentzia gainditzeko
Erredakzioa
Rafa Pueyoren gizonek Endesa Ligako bigarren sailkatu hartuko dute Bilbao Arenan. Arlo ekonomikoan taldeak dituen arazoak alde batera utzi beharko dituzte garaipena lortzeko.
Valentzia Basket-Bilbao Basket. Artxiboko argazkia: EFE
Bilbao Basketek Perasovicek zuzentzen duen Valentzia Basket hartuko du Miribillan, aste honetan taldeak 1,5 milioi euro behar dituela jakin ondoren. Gorka Arrinda Bizkaiko taldeko akziodun nagusiak jokalariei ordaintzeko talde beltzak dirua behar duela jakinarazi du, eta Bilbao Basketen etorkizuna kolokan gelditu liteke.
Rafa Pueyoren gizonak bolada onean daude, Manresa etxetik kanpora jipoitu ondoren, baina taldea eta bere ingrua egoera ekonomikoagatik kezkatuta daude. Horregatik, Bilboko taldeak zaleen babesa beharko du Valentzia Basket indartsua gainditzeko.
Valentziako taldea Endesa Ligako bigarrena da, hamaika garaipen eta soilik bi porrotekin, baina Bilbao Arena gotorleku bilakatu daiteke Bizkaiko taldearentzat. Bilbao Basket bederatzigarren sailkatua da, eta playoffeko postuak soilik garaipen bakarrarera ditu.
Talde taronja gainditzea lortzen badu, Bilbao Basket 2014ko Malagako Errege Kopa jokatzeko borrokan sartuko litzateke.
Jarraitu norgehiagoka, zuzenean, ETB1en eta eitb.com-en, igandean (urtarrilak 5), 12:15etik aurrera.