Derbia Bilbao Arenan
Bilbao Basket eta GBC, aurez aurre sailkapenean berdinduta
Erredakzioa
Euskal derbiak bi taldeen aurkerak neurtuko ditu, Bilbao Arenan. Gora begira daude biak.
Euskal derbia, igandean 12:00etan. Argazkia: EFE.
Bilbao Basketek Gipuzkoa Basket hartuko du Bilbao Arenan, igandean 12:00etan. Etxeko taldeak boladarra txarrari bukaera eman zion, eta kanpokoak ere garaipenera itzuli nahi du. Euskal derbia zuzenean emango dute ETB1ek eta eitb.com-ek.
Bilbao Basket play-offeko postuetara begira daude. Bigarren itzuliko helburua dute. Endesa Ligako azken partida Fuenlabradari irabazita eta Grezian Panioniosi gailenduta, "beltzezko gizonek" baikorrago ekingo diote bigarren itzuliari. Taldeak arazo ekonomikoak dituen arren, proiektuarekin konprometituta daudela erakutsi dute jokalariek.
Ligako lehenengo sei postuak ia erabakita, Bilbao Basketek azken bi tokietan sartu nahi du burua, titulua irabazteko borrokan aritzeko. Horretarako, Bilbao Arenako partidak irabazi beharko ditu.
Rafa Pueyo entrenatzaileak jokalari guztiak izango ditu prest eta atsedena hartuta, Eurokopako partida garrantzirik gabekoa izan zelako.
Gipuzkoa Basketek, aurkariekin sailkapenean berdinduta, porroten bolada txarrari bukaera eman nahi dio. Horretarako, Bilbao Basketek etxean izan dezakeen presioa baliatu nahi du.
Donostiarren artean ez da Raul Neto egongo. Javi Salgado arrakasta eman zion hiria itzuliko da, eta gogo handiak jarri beharko ditu partidan. David Doblas eta Jason Robinson, momento onean, Gipuzkoa Basketen beste aukerak dira.
Gipuzkoa Basketek Bilbao Basketen aurkako bi partidak irabazi ditu denboraldi honetan (Ligan eta denboraldi-aurrean). Bilbao Basketek, aldiz, bere etxean jokatutako sei derbietatik bost irabazi ditu.