Lauko Finala
Bilbao Basket (Eurocup): Gaur, Gasteiz beltzez jantziko da
Erredakzioa
Aurreneko finalerdian Power Valentziak finalerako txartela eskuratu du Panellinios 92-80ko emaitzarekin mendean hartuta. Bilbao Basket-Alba Berlin partida 20:45ean hasiko da.
Bilbao Basketek bigarren urtez jarraian jokatu du Eurocup txapelketako azken fasea. Iazko Iurbentia Bilbao Basket Turinen jokatu zen Zortziko Finalerako sailkatu zen. Zadar taldea gainditu zen final-laurdenetan baina ezin izan zen Scariolo eta Garbajosaren Khimki errusiarra mendean hartu. Khimik Lituaniako Lietuvos Rytasen aurka galdu zuen finala.
Aurten, iazko ibilbide ia berdina egin dute Fotis Katsikarisen gizonek eta finalerdietarako sailkatu dira fase erregularrean eta "Last 16"ko multzoetan liderra izanda. Gasteizen lau taldek hartuko dute parte: Bizkaia Bilbao Basket, Alba Berlin, Power Electronics eta Panellinios.
Bizkaitarrek Alba Berlinen kontra neurtuko dituzte indarrak larunbatean 20:45etik aurrera. Partida irabaztekotan, finala jokatuko luke Bizkaiak eta iazko ibilbidea hobetuko luke.