101-82
Bilbao Basketek erakustaldia eman du Sevillaren aurka
Erredakzioa
Dominionek 101-82 irabazi dio Andaluziako taldeari eta garaipen garrantzitsua lortu du Playoffetan sartzeko lehiari begira.
Your browser doesn’t support HTML5 video
Dominion Bilbao Basketek garaipen handia eta garrantzitsua lortu du Baloncesto Sevilla taldearen aurka. 101-82ko emaitzarekin irabazi du talde bizkaitarrak, Bilbao Arenan erakustaldia emanda. Ondorioz, Bilbao Basketek Playoffetara sartzeko lehian tinko jarraitzen du.
Hasieratik amaieraraino jaun eta jabe izan da Sito Alonsok zuzentzen duen taldea. Lehen laurdenean hamabi puntuko abantaila eskuratu du Dominionek (28-16). Bigarren laurdenean, ordea, Sevillak, lehen hamar minutuetan izan duen desabantaila murriztea lortu du, eta etxekoen aldeko 53-46ko emaitzarekin iritsi da partida atsedenaldira.
Hirugarren laurdenean Nachbarren eta Raul Lopezen arteko lehia ikusgarria bizi ahal izan da, eta Bilbao Basketek norgehiagoka apurtzea lortu du, 21 puntuko abantaila lortuta (78-57). Azken laurdenerako dena erabakita egon da. Dominionek erakustaldia eman du azken hamar minutuetan eta garaipen erosoa lortu du (101-82).
Fitxa teknikoa:
101 - Dominion Bilbao Basket (28+25+25+23): Raul Lopez (18), Bertans (6), Mumbrú (19), Hervelle (12) eta Bogris (12) -hasierako hamaikakoa-; Borg (13), Ruoff (9), Marko Todorovic (9), Begic (2), Mendia (1) eta Slezas.
82 - CB Sevilla (16+20+21+25): Hakanson (7), Bamforth (11), Berni Rodriguez (2), Nachbar (14) eta Balvin (4) -hasierako bostekoa-, Miljenovic (11), Henton (8), Alfonso Sanchez (9), Oriola (7), Jerome Jordan (9) eta Cate.
Partzialak: 28-16, 53-36 (atsedenaldia); 78-57 eta 101-82 (amaiera).
Epaileak: Oscar Perea, Luis Miguel Castillo eta Anna Cardus.
ardus.