ACB Liga
Bartzelona-Bilbao Basket: Ezustekoa eman nahi du Bizkaiak
Andoni Beldarrain
Erredakzioa
Bizkaitarrek garaipena behar dute play-offean sartzeko aukerak izaten jarraitzeko. Katalanak maiatzaren 7an jokatuko duten Final Fourrera begira dabiltza eta gutxien jokatu dutenek parte hartuko dute.
Bizkaia Bilbao Basketek ostegun honetan jokatuko du Regal bartzelonaren aurka Palau Blaugranan 20:45ean. Bizkaitarrek garaipena behar dute play-offean sartzeko aukerak izaten jarraitzeko.
Bartzelonak, bestalde, ACB Ligako lehen postua bere esku du eta datorren astean Parisen Euroligako Lauko Finala jokatuko du. Beraz, ohikoak ez diren jokalariek jokatuko dituzte minutu gehienak.
Fotis Katsikarisek Javi Rodriguezen baja du eta Javi Salgado ez dago sasoi fisiko onenean. Janis Blumsek minutu askotan antolatzaile bezala joka dezake.