Andorrari irabazi eta 'averagea' alde du orain RETAbet Bilbao Basketek

Axel Hervellen joko bikainak garaipenera eraman du RETAbet Bilbao Basket Morabanc Andorraren aurka jokatutako partidan (81-67). Ondorioz, bilbotarrek play offetan sartzeko aukerei eusten diete.

Belgikarraren zenbakiak ikusgarriak dira: 10 puntu, 12 errebote, 22ko balorazioa eta taldeak +16 egin du bera kantxan izan den bitartean. Baina beharbada taldekideei emandako laguntzarik handiena erasoan hartutako zazpi erreboteak izan dira; gehienak, partida oraindik erabaki gabe egon denean.

Gaurko garaipenari esker, bilbotarrek alde dute orain basket averagea, joaneko partidan, Andorran, 85 eta 81 galdu zutelako. Norgehiagoka galdu izan balute, play offetan sartzeko aukerei agur esango liekete.

Liga amaitzeko hiru jardunaldi falta direnean, Andorrak Bilbao Basketek baino garaipen  bat gehiago dauka, baina bien arteko neurketetan puntuak bilbotarren alde daude.

Beltzezko gizonek egutegi gogorra dute zortzigarren postua lortzeko: kanarietara bi bisita egin behar dituzte, eta Bilbon, berriz, Baskonia hartuko dute.

Fitxa teknikoa

81 - RETAbet Bilbao Basket (21+15+19+26): Tabu (11), Todorovic (10), Mumbrú (14), Hervelle (10) y Eric (12) -hasierako boskotea-; Salgado (4), Lapornik (4), Buva (16), Mendia eta Llorente.

67 - Morabanc Andorra (23+14+15+15): Albicy, Jelinek (8), Walker (3), Burjanadze (4) y Shermadini (15) -hasierako boskotea- Schreiner, Navarro (10), Antetokounmpo (13), Czerapowicz (3) eta Stevic (11).

Partzialak: 21-23, 36-37 (atsedenaldia); 55-52 eta 81-67 (amaieran).