Bilbao Basket-Unicaja: Euroligako aurkaria berriz ere bilbotarrentzat

Bizkaia Bilbao Basketek Unicaza hartuko du igandean (12:30ean) Bilbao Arenan, ligako hirugarren garaipena batzeko asmoarekin eta Blancos de Rueda Valladoliden aurkako porrotean erakutsitako irudia hobetzekoarekin.

Fotis Katsikarisen jokalariek Pisuerga Pabilioian aurkariari emandako erraztasunek eta Real Madrilen aurkako azken uneko porrotak Bizkaiaren liga hasiera ikusgarriaren sua itzali dute hein handi batean.

Defenstako intentsitatea handitzeko gaitasunak emango dio talde bilbotarrari bolada txar horrekin amaitzeko abagunea. Porrot batek Koparako saikapena, bilbotarren aurreneko helburua, pixka bat urrunduko luke.

Asteko albiste ona Fotis Katsikarisentzat Eduardo Hernandez-Sonseca pibotaren errekupeazioa izan da. Teknikari greziarrak, beraz, jokalari guztiak izango ditu bere aginduetara Unicajaren aurkako norgehiagokan.

Hiru garaipen eta hiru porrot ditu Bizkaiak Unicajaren aurkako etxeko neurketetan. Euroligako aurtengo hirugarren aurkaria dute Fotis Katsikarisen gizonek.