Ostegunean, 20:00etan
Bilbao Basket-Menorca: Playoffetarako txartela eskuratu dezakete
Erredakzioa
Bizkaitarrek playoffetarako sailkapena matematikoki ziurtatu dezakete Miribillan.
Bizkaia Bilbao Basketek playoffetarako sailkapena ziurtatu dezake, Menorca Basquet Bilbao Arenan gaindituz. Gainera, bilbotarrek sailkapeneko bosgarren postua lortzeko aukerak izateko talde balearra gainditu beharko dute derrigorrez.
Katsikarisen mutilek liga erregularreko azken bi norgehiagokak irabazi behar dituzte, posizio onean bukatzeko. Menorcak ia agur esan dio ACB mailari, baina talde arriskutsua izan daiteke Bilbora minduta helduko delako. Partidarako giro aparta espero da Miribillako harmailetan, bizkaitarrek euren zaleei presioa ezartzeko eskatu baitie.