Bilbao Basket-Menorca (90-74): Playoffetarako sailkatu dira

Katsikarisen mutilek playoffetarako matematikoki sailkatzea lortu dute, Menorca Basquet 90-74 gaindituz.

Nahiz eta Miribillan jokatu, Bilbao Basket ez da kantxan eroso egon Baleareetako taldeak erasoan asko sakatu duelako. Lehenengo laurdenean Menorca 19-20 aurretik jarri da markagailuan Limonaden eta Donaldsonen saskiraketei esker. Bigarren laurdenaren bukaeran Warrenek eta Mumbruk saskiraketa garrantzitsuak lortu dituzte, baina Menorcak 45-46ko markagailua jarri du.

Atsedenaldiaren ostean, talde beltzak markagailua irauli egin du (63-60) eta Menorcak intentsitatea galdu du. Azken laurdenean etxekoek jipoia eman diete Paco Olmosen mutilei eta azken emaitza 90-74koa izan da.

- Fitxa teknikoa:

90 - Bizkaia Bilbao Basket (19+26+18+27): Jackson (14), Warren (11), Mumbru (16), Banic (16), Mavroeidis (7) -hasierako taldea-; Fisher (-), Blums (5), Vasileiadis (6), Hervelle (15), Sonseca (-) eta Paco Vazquez (-).

74 - Menorca Basquet (20+26+14+14): Ciorciari (3), Limonad (16), Victor (6), Radenovic (12), Donaldson (17) -hasierako taldea-; Servera (-), Diego Sanchez (3), Sanders (10), Otegui (7) eta Caio Torres (-).