Gaur 20:30ean
Katsikaris: 'Irabaztekotan txartela eskuratzeko aukerak izango ditugu'
Erredakzioa
"Apaltasun osoz diot talde handien mailan jokatzen dugula, izan behar dugun presioarekin eta helburu handia lortu ahal dugunaren kontzientziarekin".
Bizkaia Bilbao Basketek eta Real Madrilek indarrak neurtuko dituzte gaur play offetako finalerdietako hirugarren partidan (20:30ean Bizkaia Arenan). Fotis Katsikaris entrenatzailearen ustez neurketa "erabakigarria" da eta irabazten badute "finalerako txartela eskuratzeko aukera ugari" izango dituztela iritsi dio.
"Astea oso luzea izango da. Asko geratzen da eta egin behar duguna partidaz partida joatea da. Taldeak atseden hartu du eta orain gorputza berreskuratu behar dugu dena eman ahal izateko", esan du teknikariak.
Real Madril faborito izateak ez diola Bilboko taldeari presiorik kentzen azpimarratu du. "Apaltasun osoz diot talde handien mailan jokatzen dugula, izan behar dugun presioarekin eta helburu handia lortu ahal dugunaren kontzientziarekin".