Ostegunean hasiko da finala
Bilbao Basketek ilusioarekin ekingo dio Bartzelonaren aurkako finalari
Erredakzioa
Finala ostegun honetan hasiko da eta lehen partida Palau Blaugranan jokatuko da 20:45ean. Hernandez Sonseca baja izango da lehen bi partidetarako. Jarrai ezazu finala zuzenean Radio Euskadin.
Bizkaia Bilbao Basketek ostegun honetan ekingo dio ACBko finalari Palau Blaugranan (20:45ean). Regal Bartzelonaren aurka lehiatuko dira bizkaitarrak titulua lortzeko asmoz. Katalanak dira faboritoak, baina bilbotarrek ezer gutxi dute galtzeko.
Talde handiak utzi ditu kanpoan play-offetan, Power Electronics Valencia eta Real Madril adibidez. Fotis Katsikarisek zuzentzen duen taldeak bolada ona aprobetxatu nahi du eta ilusio handia du. TDK Manresa antzerako egoeran iritsi zen 1998ko finalera eta txapeldun izan zen.
Taulapean izan dezake desabantaila Bilbao Basketek. Pivot ugari eta handiak ditu Bartzelonak eta Bizkaiak Hernandez Sonsecaren baja izango du.Honek gauzak zaildu ditzake Bilbao Basketentzat. Lehen bi partidetarako baja ziurra izango da Edu Hernandez Sonseca.