Utzita
Kljajicek Bilbao Basketen jokatuko du denboraldi amaierara arte
Erredakzioa
Jovan Kljajicek Bilboko taldean jokatuko du denboraldi amaierara arte. CB Kanaria Handia taldetik iritsi da, utzita, min hartuta dagoen Tomeu Rigo ordezkatzeko.
Jovan Kljajic, Bilbao Basketeko jokalaria. Argazkia: @CDBILBAOBASKET
Jovan Kljajicek RETAbet Bilbao Basketen jokatuko du denboraldi amaierara arte, klubak astearte honetan jakinarazi duenez. CB Kanaria Handia taldetik utzita iritsi da 19 urte eta 1,98 metro neurtzen dituen jokalaria, belauneko lesio larria duen Tomeu Rigo ordezkatzeko.
Kljajic Kanaria Handia taldearen historian debuta egin duen jokalaririk gazteena da, 2016an debuta egin baitzuen lehen taldearekin, 16 urte zituenean, Tofas Bursaren aurka Eurocup txapelketan. Hiru urte beranduago, 2019an, lehen partidak jokatu zituen Endesa Ligan eta Euroligan.
2019-2020 denboraldian, Jovan Kljajicek 13,6 puntu, 4 errebote eta 2,6 asistentzia erdietsi zituen batez beste CB Kanaria Handia-Claret taldearekin, Zilarrezko LEB mailan.