Bilbao Arenan
Gescrap Bizkaia-Estudiantes (72-66): Garaipena Miribillan
Erredakzioa
Katsikarisen taldeak partida erabakita uzteko arazoak izan ditu eta behar baino gehiago sufritu du azkenengo laurdenean. Aaron Jackson eta Grimau izan dira taldeko onenak.
Gescrap Bizkaia-Estudiantes (72-66). Argazkia: EFE
Garrantzi handiko garaipena eskuratu du Gescrap Bizkaiak Miribillan Estudiantes 72-66 gaindituta. Katsikarisen mutilek norgehiagoka erabakita uzteko asko sufritu dute azkenengo laurdenean, baina Madrileko taldeak ezin izan du ezustekoa eman. Aaron Jacksonek eta Roger Grimauk gidatu dute taldea erasoan.
Aaron Jacksonek gidatu du taldea erasoan aurreneko laurdenean eta Bilbao Basketek aurrea hartu du markagailuan (12-5). Hala ere, pixkanaka Pepu Hernandezen mutilak erasoan asmatzen hasi dira eta Grangerrek berdinketa jarri du (12-12). Estudiantes markagailuan goitik jarri da (12-14), baina lehenengo laurdena oso parekatua izan da eta 15-15eko emaitzarekin bukatu da.
Bigarren laurdenean Gesrap Bizkaiak erasoan gehiago sakatu du eta Madrileko taldeak ezin izan du talde beltza gelditu. Raul Lopezek bi hiruko garrantzitsu eskuratu dite eta Bilboko taldeak eroso jokatu du erasoan 40-25eko markagailua jartzeko. Atsedenaldia baino lehen Marko Banic kapitainak 42-28koa jarri du Bizkaia Arenan.
Hirugarren laurdenaren hasieran Asefa Estudiantesek markagailuan hurbiltzeko sakatu egin du erasoan (44-39), baina Katsikarisen taldeak ederki erantzun du intentsitate altuago ezarriz. Bilboko taldeak 54-44koa jarri du Aaron Jacksonen gidaritzapean eta Madrileño taldea ezinean aritu da. Hirugarren laurdena 61-48koarekin bukatu da, Gescrapen aldeko 13 puntuko abantaila garrantzitsuarekin.
Asko sufritu egin du talde beltzak partida erabakita uzteko, azkenengo laurdenean Pepu Hernandezen taldeak guztia eman duelako azkenengo segundora arte. De la Fuentek 3 puntura jarri du Estudiantes 65-62koa markagailuan jarrita, baina Bizkaiko taldeak jaurtiketa libreak gauzatu egin dite garaipena eskuratzeko. Azken emaitza 72-66koa izan da, Bilbao Basketen denboraldiko laugarren garaipena.
Fitxa teknikoa:
72.- Gescrap Bizkaia (15+27+19+11): Jackson (15), Blums (3), Mumbru (5), Banic (8) eta D'or Fischer (3) -hasierako bostekoa-; Raul Lopez (9), Grimau (14), Vasileiadis (2), Hervelle (5) eta Mavroeidis (8).
66 - Asefa Estudiantes (15+13+20+18): Granger (11), Flores (6), Jimenez (11), Gabriel (12) eta Simmons (4) -hasierako bostekoa-; Jaime Fernandez (-), Wright (8), De la Fuente (13), Clark (1), Driesen (-) eta Martinez ().