Gescrap-Nancy
Katsikaris: 'Batum gabe, indarra galdu du Nancyk'
Erredakzioa
Portland Trail Blazers taldeko jokalariak ez du Bilbao Basketen aurka jokatuko, baina entrenatzaile greziarrak 'adi egon' beharko dutela argi utzi du.
Your browser doesn’t support HTML5 video
Gescrap Bizkaia taldeko entrenatzaileak, Fotis Katsikarisek, "SLUC Nancyk indarra galdu" duela Nicolas Batum gabe azaldu du prentsaurrekoan. Hala ere, nahiz eta taldeko izarra ez egon, "tentu handiz ibili" beharko dutela gogoratu du Katsikarisek.
"Ondo defendatzea ezinbestekoa izango da. Nancy talde erasokorra da eta aurkarien akatsak ondo aprobetxatzen ditu. Hasieratik erne egon beharko dugu" azaldu du entrenatzaile greziarrak. Norgehiagoka, "finala" dela rgi utzi du Bilbao Basketeko entrenatzaileak, Euroligan jarraitzeko aukerak agortzen hasi direlako.
"Abantaila mantentzea da helburua" esan du Katsikarisek. "Bolada ona hartu behar dugu aurrera begiratzeko" bukatu du Gescrap taldeko entrenatzaileak.