Valladolid-Gescrap Bizkaia (73-81): Garaipen bikaina

Etxetik kanpora bigarren garaipena jarraian eskuratu du Gescrap Bizkaia taldeak Valladolid 73-81 gaindituta. Talde beltza markagailuan azpitik joan da hirugarren azkenengo laurdenera arte, baina emaitza iraultzea lortu dute hirugarren laurdenean epaileek Katsikaris kanporatu eta gero.

Bilbao Basketek ondo hasi du partida, markagailuan 4-7 aurrea hartuta, baina Valladolideko taldeak ederki erantzun du Herve Toureren birrinduei esker eta 15-14koa jarri dute Casimiroren mutilek. Gescrapek ez du erasoan asmatu eta Blancos de Rueda taldeak 26-19koa jarri du aurreneko laurdenaren bukaeran.

Bigarren laurdenean Valladolideko taldeak erasoan asko sakatu du eta Bilboko taldeak akats argiak egin ditu. Urizek 40-27koa jarri du markagailuan, baina Katsikarisen mutilek aldea murriztea lortu dute Mumbruk lortutako hirukoei esker. Atsedenaldia baino lehen, Robinsonek 49-37koa ezarri du hiruko ikusgarri bati esker.

Hirugarren laurdenean partida berotu egin da eta Fotis Katsikarisi bi falta tekniko jarraian adierazi dizkiote. Greziako entrenatzailea aldageletara bidali dute epaileek eta Bilbao Basketek erantzuna eman du kantxan 0-9ko partziala lortuta (60-59).

Josh Fisherrek markagailuan goitik jarri du Gescrap azkenengo laurdenean (62-62) eta Bilboko taldea aurretik mantendu da amaierara arte. Raul Lopezek eta Roger Grimauk gidatu dute taldea erasoan eta Katsikarisen mutilek etxetik kanpora bigarren garaipena jarraian eskuratu dute Pisuergan 73-81 irabazita.

Fitxa teknikoa:

73 - Blancos de Rueda (26+23+11+13): Dumas (5), Udrih (3), Robinson (16), Toure (17), Borchardt (8) -hasierako bostekoa-, Anagonye (2), Nacho Martin (5), Diego Garcia (12), Uriz (2) eta Isaac Lopez (3).

81 - Gescrap Bizkaia (19+18+22+22): Jackson (7), Blums (6), Mumbru (26), Banic (10), Mavroeidis (3) -hasierako bostekoa-, Hervelle (1), Fischer (1), Grimau (10), Raul Lopez (12), Vasileiadis (-) eta Fisher (5).