Igandea, 12:30ean
Ligako zazpigarren garaipena jarraian lortu nahi du Bilbao Basketek
Erredakzioa
Fotis Katsikarisen mutilek UCAM Murtziaren aurka jokatuko dute etxetik kanpora, Euroligan Montepaschiren kontra garaipen garrantzitsua lortu eta gero.
Fischer. Argazkia: EFE
Gescrap Bizkaiak UCAM Murtzia taldearen aurka jokatuko du (igandean, 12:30ean) bolada onarekin jarraitzeko helburuarekin. Bilboko taldeak ACB Ligako zazpigarren garaipena jarraian lortu nahi du, Errege Kopako asteburuan atseden hartu eta gero.
Katsikarisen taldeak sei garaipen jarraian daramatza ligan, CAI Zaragoza, Blancos de Rueda, Blusens Monbus, Lucentum Alacant, Real Madril eta Assignia Manresa gaindituta. Bilboko taldeak playoffak jokatzea du helburu eta bolada onarekin sailkapeneko seigarren postuan jarri da talde beltza.
Euroligan aurrerapauso garrantzitsua eman du Gescrap Bizkaiak Montepaschi Miribillan gaindituta eta Katsikarisen mutilak sasoi onean helduko dira Murtziara. Gainera, ostegunean Malagako Unicaja gainditzea lortzen badu Euroligan hurrengo kanporaketarako sailkatzea lortuko du Bilbao Basketek.