TXAPELDUNEN LIGA
Nymburk, Bilbao Basketen lehen oztopoa Europan
AGENTZIAK | EITB MEDIA
Jaume Ponsarnauren taldea ACB Ligan lortutako bi garaipenen bultzadarekin joango da Txekiar Errepublikara.
Bilbao Basketeko jokalariak Betisen aurkako partida aurretik. Argazkia: EFE
Surne Bilbao Basketek Txapeldunen Liga hasiko du astearte honetan, aspaldiko ezagun bati, ERA Nymburki, bisita eginez, Txekiar Errepublikako taldearen kantxan (18:30ean).
Dagoeneko sei aldiz jokatu dute Nymburkek eta Bilbao Basketek elkarren aurka, "Beltzezko gizonen" lau garaipenekin eta Nymburken bi garaipenekin. Txekiarrek ere, Jaume Ponsarnauren mutilek bezala, garaipenarekin ekin diote ligari.
Etxetik kanpo jokatu du Nymburkek ligako lehen partida, Opava taldearen aurka (61-69), Rapolas Ivanauskas hegal-pibot lituaniarraren (14 puntu eta 10 errebote) partida azpimarragarriarekin, Kamau Stokes joko-antolatzailearen eta Gerel Simmons eskoltaren laguntzarekin. Biek ere 14 puntu sartu dituzte.
Txekiako taldearen aurka, Bilbao Basketek ligari emandako hasieraren bidetik joan nahi du, Badalonan gailenduta (76-81) eta Miribillan Real Betisen aurka bigarren garaipena lortuta (85-70).
Adam Smith eta Ludde Hakanson joko sortzaile eta saskiratzaileek eta Jeff Withey pibotak izan dira lehen bi partidetako jokalari onenak. Joventuten aurka Francis Alonso tiratzailea nabarmendu zen eta Betisen aurka Michale Kyser kikiltzailea.
Surne Bilbao, BC Igokea bosniarra eta Bahçesehir Koleji SK turkiarra daude Txapeldunen Ligako multzoan.