BERRITZEA
Denzel Anderssonek beste denboraldi batez luzatu du kontratua Bilbao Basketekin
eitb media
Andersson aurreko udaran iritsi zen Bibora, Stal Ostrow Wielkopolski talde poloniarra utzi ostean, eta euskal taldean jarraituko du 2023-24 denboraldian.
Denzel Andersson. Argazkia: Bilbao Basket
Surne Bilbao Basketek Denzel Anderssonekin zuen kontratua luzatu du beste denboraldi batez, beraz, suediarra Bilboko taldean arituko da 2023-24 denboraldi amaierara arte.
25 urte ditu eta 2,04 metro neurtzen du Anderssonek, eta iazko udan iritsi zen Bilbora Poloniako Stal Ostrow Wielkopolski taldetik. Aste honetan Surne Bilbao Basketek egin duen hirugarren kontratu berritzea da, Adam Smith eta Xavi Rabaseda jokalarienen ondotik.
Joan den denboraldian Anderssonek 5 puntu eta 2,9 errebote erdietsi zituen batez beste, partidako 17 minutu jokatuta.
Talde bilbotarrak adierazi du Denzel Andersson "beltzezko gizonen defentsako zutabeetako bat" dela, eta espero duela datorren denboraldian jokalariak 2022-23 sasoian emandako maila hobetzea.