Fitxaketak
Gescrap Bizkaiak Lamont Hamilton aurkeztu du
Erredakzioa
Lamont Hamilton pibot estatubatuarrak "taldeari energia" emango diola adierazi du aurkezpenean. Gainera, bere posizioan "jokalari onena" izan nahi duela azaldu du.
Your browser doesn’t support HTML5 video
Lamont Hamilton Ameriketako Estatu Batuetako pibota datorren denboraldirako fitxatu du Gescrap Bizkaia Bilbao Basketek. Pibota Paris-Levallois taldetik dator, eta Bilboko taldearekin aurkeztu da.
Estatubatuarrak Gescrap Bizkaia taldean jokatzea "ohorea" dela azaldu du, eta lan egiten hasteko "gogotsu" dagoela onartu du. Hamiltonek taldekide berriak ezagutu ditu, eta iragan denboraldian "Euroligan lan bikaina" egin zutela azaldu du.
Gainera, orain garrantzitsuena "entrenatzailearekin eta taldekideekin harreman ona izatea" dela azaldu du.
ACB liga "oso indartsua" dela esan du Lamont Hamiltonek, baina bere "posizioan jokalari onena" izatea espero duela ere aitortu du.