Fitxaketa
Surne Bilbao Basketek Marvin Jones pibota fitxatu du
AGENTZIAK | EITB MEDIA
30 urte ditu jokalari estatubatuarrak, eta 2,13 metro luze da. Montenegroko Buducnost taldean jokatu du aurten, eta beltzezko gizonen hamargarren nobedadea da denboraldi berrirako.
Marvin Jones, Bilbao Basketeko jokalari berria
Surne Bilbao Basketen ostegun honetan baieztatu duenez, Marvin Jones 30 urteko (2,13 m.) pibot estatubatuarra fitxatu du. Montenegroko Buducnost taldetik dator, eta datorren denboraldirako iragarritako hamargarren nobedadea da beltzezko gizonentzat.
Batetik, honako fitxaketa hauek egin ditu: Harald Frey base norvegiarra, Tomasz Gielo hegaleko pibot poloniarra, Muhammad-Ali Abdur-Rahkman eskolta estatubatuarra, eta Ruben Dominguez. Bestetik, ordea, hainbat berritze ere adostu ditu: Kristian Kullamae, Melwin Pantzar, Xabi Rabaseda, Thijs de Ridder eta Tryggvi Hlinason.
Kirol zuzendaritzaren ikuspegitik, "Europako txapelketetan esperientzia esanguratsua" duen jokalaria da Jones, Txapeldunen Ligako lau edizio ez ezik, bi Eurokopa ere jokatu baititu: Israelgo Hapoel Holon taldearekin, 2022-2023 denboraldian (10,6 puntu eta 6,9 errebote), eta Greziako PAOKekin 2021-2022 (13,5 puntu eta 7,5 errebote) sasoian.
"Uztaiaren gainetik jokatzen duen pibota da, zutoin altuko posizioetan jaurtiketa onak eta gertukoak egiten dituena. Defentsan, entrenatzailearen nahietara egokitzen da, abiaduragatik eta estutzeko duen gaitasunagatik. Tryggvirekin batera, elkarrekin ondo bat egiten duen pibot-bikotea osatzen duenez, postu horretan sendotasuna lortuko dugu", azpimarratu du Rafa Pueyo Bilbao Basketeko kirol zuzendariak.