Zuzemeam eitb.com-en
Maila handiko proba Gescrap Bizkaiarentzat
Erredakzioa
Bilbao Basketek Endesa Ligako liderraren aurka jokatuko du igande honetan. Partida 12:15ean hasiko da, eta zuzenean eskainiko dute ETB-1ek eta eitb.com-ek.
Real Madrilek eta Gescrap Bizkaiak iragan denboraldian jokatu zuten partida. Argazkia: EFE
Bilbao Basket bolada onean iristen da norgehiagoka honetara. Katsikarisek zuzentzen duen taldeak denboraldiko lehen partida galdu zuen Herbalifen aurka, baina ordutik aurrera jokatu dituen partida guztiak irabazi ditu. Gainera, Bartzelona, Estudiantes eta Unicaja bezalako talde indartsuei irabazi die Gescrapek. Eurocupran ere, garaipenarekin ekin zion txapelketari talde bizkaitarrak.
Bestalde, Real Madril Endesa Ligako liderra da partidarik galdu gabe. Pablo Lasok zuzentzen duen taldeak sei garaipen eta porrotik gabeko balantzea dute. Sasoi betean dago talde madrildarra, eta argi dago ez dizkiola Gescrapi gauzak erraz jarriko.