Gescrap Bizkaiak Last 16rako txartela lortu nahi du

Gescrap Bizkaiak Eurocupeko Last 16ra sailkatzea izango du helburu asteazken honetan Bilbao Arenan. Lukoil Academicen aurkako partida zuzenean eskainiko dute eitb.com-ek eta ETB-1ek, 20:15ean.

Partidarik galdu gabe dago Bilbao Basket txapelketa honetan. Hirutik hiru garaipen lortu ditu Katsikarisek zuzentzen duen taldeak, eta laugarrenaren bila doaz. Iragan astean jokatu zuten Lukoil Academicen aurka Bulgarian, eta 64-85eko emaitzarekin irabazi zuen talde bizkaitarrak.

Endesa Ligan ere ibilbide bikaina darama Bilbao Basketek. Bigarren postuan daude, eta porrotik jaso ez duen Real Madrilek bakarrik gainditzen ditu Gescrapen zenbakiak. Fuenlabradaren aurka garaipen landua lortu zuen Bilbao Basketek, baina asteazken honetan etxean jokatzen du, eta etxeko partidetan maila hobea eskaintzen du Gescrap Bizkaiak.