Lagun Aro GBC jaitsiera postuetan sartu da

Lagun Aro GBCk beste porrot bat jaso du Endesa Ligan, denboraldiko hamargarrena. Garaipen bakarrarekin dago talde gipuzkoarra Endesa Ligako sailkapeneko azken-aurreko postuan.

Lehen bi laurdenetan parekotasuna izan zen nagusi Lagun Aroren eta Herbalifen artean. Lehen hamar minutuak, 18-20ko emaitzarekin bukatu ziren, eta talde kanariarra bi puntuko abantailarekin iritsi zen atsedenaldira (41-43).

Hirugarren laurdena erabakiorra izan zen. Herbalife nagusitu zen atsedenalditik itzulita. Lagun Arok arazoak izan zituen defentsan, eta zailtasunak ersaoan. Horrenbestez, talde kanariarra abantial lortzen hasi zen. Hirugarren laurdena kanpoko taldearen aldeko zortzi puntuko aldearekin iritsi zen (54-62).

Talde gipuzkoarrak etsi egin zuen azken laurdenean, eta erraztasun asko eman zizkion aurkariari. Eroso jokatu zuen Herbalifek azken laurdena. Ondorioz, alde garrantzitsuak lortu zituen takde bisitariak markagailuan, eta 72-94ko emaitzarekin nagusitu zen Herbalife Illunben.

Fitxa teknikoa:

72 - Lagun Aro GBC: Salgado (8), Papamakarios (7), Kuksiks, Rubio (2), Doblas (8)-hasierako bostekoa- Woods (8), Taylor (12), Neto (10), Ibekwe (14), Diez (3), Olaizola.

94 - Herbalife Gran Canaria: Bellas (15), Toolson (7), Nelson (21), Slokar (6), Newley (18)-hasierako bostekoa- Guerra, Baez (5), Rey, Alvarado, Beirán (12), Scheyer (10).

Epaileak: Hierrezuelo, Martinez, Calatrava.

Partzialak: 18-20; 41-43 -atsedenaldia- 54-62; 72-94.