Endesa Liga
Gipuzkoa Basketek partida zaila du Bartzelonaren aurka
Endesa Ligako bigarren sailkatuaren aurka jokatuko dute igandean. Norgehiagoka 12:30ean hasi da, eta zuzenean jarraitu ahalko da eitb.com-en eta ETBKren bitartez.
David Doblas sasoiko dago. Argazkia: EFE
Gipuzkoa Basketek denboraldiko bigarren garaipena lortu nahi du bere etxean, baina aurkari gogorra izango du aurrean. Talde gipuzkoarra Bartzelonaren aurka lehiatuko da igande honetan (12:30ean), eta partida zuzenean ikusteko aukera emango dute eitb.com-ek eta ETBK kateak.
Bartzelona da garaipena lortzeko faboritoa, baina Sito Alonsok zuzentzen duen taldeak ezustekoa eman nahi du. 2006an, antzeko egoeran, talde gipuzkoarrak Bartzelona mendean hartu zuen Illunben. Iragan denboraldian ere, norgehiagoka ona jokatu zuen Gipuzkoa Basketek Barçaren aurka, baina puntu bakarragatik galdu egin zuten (89-90).
Sito Alonsok zuzentzen duen taldeko jokalari batzuk, orain arte eskainitako maila hobetu behar dute. Adibidez, Winchesterrek gehiago esquían behar dio taldeari. Alero postuan jokatzen duen jokalariak ondo ekin zien udako prestaketa partidei, baina azken bi partidak baloraizo negatiboarekin bukatu zituen. Bestalde, David Doblasen ekarpena bikaina izaten ari da.