ACB Liga
Lagun Aro-DKV Joventut: Ezin da etxean hutsik egin
Andoni Beldarrain
Erredakzioa
Pepu Hernandezek zuzentzen duen taldeak garaipena behar du play-off postua berreskuratzeko. Gipuzkoa Basketek irabazi beharra dauka Xacobeoren emaitzaren zain ez egoteko.
Lagun Aro Gipuzkoa Basketek igandean jokatuko du (12:30ean, ETB-1) Donostian DKV Joventuten aurka.
Gipuzkoarrek garaipena behar dute bere zaleen aurrean, baina aurkariak ez dizkio gauzak erraz jarriko. Pepu Hernendezen eskutik Joventutek jokoa hobetu du. Iragan astean play-offa jokatzea ahalbidetzen duen zortzigarren postua galdu zuten eta garaipena behar du berreskuratzeko. Irabazten badu postu hori lortuko du, izan ere, aurretik dituen eta garaipen bat gehiago duten Unicaja eta Kanaria Handia elkarren aurka ariko baitira.
Lagun Arok garaipena lortu beharra dauka Xacobeoren emaitzaren zain ez egoteko eta horren arabera jaistiera postuan egongo den edo ez jakiteko. Galiziarrek astelehenean jokatuko dute BECen Bizkaia Bilbao Basketen aurka arratsaldeko 18:00etan (ETB-1).