Osteguna 21:30etan
Kanaria Handia-Lagun Aro: Bolada onarekin jarraitu guran
ERREDAKZIOA
Kanaria Handia eta Lagun Aroren arteko neurketa oso garrantzitsua da taldearen egoera zein den jakin eta arrisku postutik irtetzeko.
Lagun Aro Endesa Ligan. Argazkia: EFE.
Sito Alonsok sentipen onak diru Kanaria Handiaren aurkako neurketarekin, bi garaipen jarraian erdietsi ostean. Hala ere, ez da fio kanariar zaleen presioaz.
Las Palmaseko taldea indartsua da bere kantxan eta denboraldi honetan bi neurketa soilik galdu ditu. Alonsok uste du zaletuen indarra erabakigarria izango dela eta horregatik adi egon beharko dute.
Donostiarren entrenatzailearentzat garaipena erdiesteko aukera izango dute jokalarien habilidadeak funtzionamenduan jarriz gero.
Lagun Arok talde laburra eramango du kanariar uharteetara. Adelek taldea utzi du eta Peter Lorant min hartuta dago. Horregatik, Andy Ogide hegaleko pibot nigeriarra fitxatu dute hilabete baterako. Jokalariak datorren asteartean egin dezake debuta Donostian Cajasolen aurka. Ogyde aparteko jokalaria da, salto egiteko gaitasun handia du eta kontraerasoetan korrikan fin aritzen da.