103-81
Lagun Arok Estudiantes jipotu eta tinko darrai play-off postuetan
Erredakzioa
Sito Alonsok zuzentzen duen taldea jaun eta jabe izan da hasieratik amaieraraino eta 22 puntuko aldearekin lortu dute garaipena. 100 puntuak gainditu dituzte gipuzkoarrek.
Lagun Arok 103-81 irabazi dio Estudiantesi. Argazkia: EFE
Lagun Aro Gipuzkoa Basketek garaipen erosoa lortu du Asefa Estudiantesen aurka. Azken emaitza 103-81ekoa izan da eta partida hau irabazita play-off postuetan tinko jarraitzen dute gipuzkoarrek.
Hasieratik jaun eta jabe izan dira Sito Alonsok zuzentzen dituen mutilak. Estudiantesek baja garrantzitsuak izan ditu eta igarri egin ditu. Lehen laurdenean alde handia lortu dute etxokoek eta garaipena bideratauta utzi dute (32-17). Bigarren laurdenean, ildo beretik joan da partida. Estudiantes ez zen gai gipuzkoarren jokoa geratzeko eta 18 puntuko abantailarekin iritsi da Lagun Aro atsedenaldira (51-33).
Atsedenalditik bueltan, Estudiantesek ez du erreakzionatu eta LaguNn Arok eroso jokatu du. Zaleek asko gozatu dute eta jokalariek ere erraz jokatu baitute. Hirugarren laurdena 81-58ko emaitzarekin bukatu da eta azken laurdenean 100 puntuak gainditzea izan du helburu talde gipuzkoarrak. Helburua lortu dute eta azken emaitza 103-81ekoa izan da.
Fitxa teknikoa:
81.- Asefa Estudiantes: Lofton (11),Deane (15), Simmons (4), Kirksay (12), Clark (7) -hasierako bostekoa-Fernandez (9), Driesen, Gabriel (9), De la Fuente (6), Lobo, Nogueira(8), Martinez.