Euroligako Top 16a
Baskoniak Maccabiri egingo dio bisita
Erredakzioa
Zan Tabaken gizonek txapelketako Top 16aren bigarren garaipena eskuratzea izango dute helburu Tel Aviven. Neurketa zuzenean jarraitu ahal izango da eitb.com-en eta ETB-1en.
Zan Tabak, Baskoniako teknikaria. Argazkia: EFE
Caja Laboral Baskoniak Maccabi Tel Avivi egingo dio bisita ostegun honetan (20:05) Euroligako Top 16aren bigarren jardunaldian.
Maccabik ez du ondo hasi txapelketako bigarren fasea. Gasteiztarrek, bestalde, atzean utzi dute denboraldi hasierako bolada kaskarra eta une gozoan dira une honetan.
Hala ere, Yad Eliyahu pabiloian irabaztea beti da zaila, eta Zan Tabaken gizonek dena eman beharko dute garaipena lortu nahi badute. Azpimarratzeko da, Maciej Lampe Euroligako abenduko Jokalari Onena izendatu dutela.
Osteguneko partida zuzenean jarraitu ahal izango da eitb.com-en eta ETB-1en (20:05etik aurrera).