Assignia Manresaren aurka
Baskoniak hamabosgarrena nahi du
Erredakzioa
Zan Tabak entrenatzailea aulkira heldu zenetik bolada onean murgilduta dabil Baskonia, eta igande honetan hamabosgarren garaipena eskuratu nahi dute.
Caja Laboral Baskonia, artxiboko irudia. Argazkia: EFE
Caja Laboral Baskoniak Assignia Manresaren aurka jokatuko du igande honetan (19:00) Endesa Ligako 17. jardunaldian. Bolada onean murgilduta dabil Baskonia Zan Tabak entrenatzailea heldu zenetik, eta igande honetan hamabosgarren garaipena jarraian eskuratzea izango du helburu taldeak.
Ligan, sailkapen nagusiko bigarren postuan daude gasteiztarrak, Real Madrilen atzetik, eta dagoeneko Kopan zerrendaburu izatea ziurtatuta dute.
Nou Congosten irabazten badute, Tabakek Svetislav Pesic teknikariaren marka berdinduko du jarraian garaipen gehien lortu duten entrenatzaileen zerrendan.
Partida zuzenean jarraitu ahal izango da eitb.com-en eta ETBKn, igandean 19:00etatik aurrera.