Derbia, Buesa Arenan
Caja Laboralek eta Lagun Arok garaipena behar dute derbian
Erredakzioa
Gasteiztarrek ligako azken bi partidak galdu dituzte Real Madrilen eta Joventuten kontra. Donostiarrak, berriz, bolada onean dira, hiru garaipen jarraian lortu dituzte eta zulotik ihesi doaz.
Donostiarrek ezustekoa eman nahi dute Buesa Arenako derbian. Argazkia: Efe.
Caja Laboral Baskoniak Lagun Aro hartuko du larunbatean Buesa Arenan jokatuko den euskal derbian. Bi taldeek ibilbide oso ezberdina izan dute ligako azken jardunaldietan; gasteiztarrak behera egin dute, eta dosnostiarrek, aldiz, gora.
Tabaken gizonek ligako azken bi partidak galdu dituzte Real Madrilen eta Joventuten kontra. Hala ere, sailkapeneko bigarren postuari eutsi diote, baina Badalonan erakutsitako joko eskasak porrotak berak baino min handiagoa egin die arabarrei.
Gainera, ostegun honetan ere porrota jaso dute Euroligan eta oso zail dute final-laurdenetarako sailkatzea.
Lagun Aro, goraka
Lagun Arok, berriz, hiru garaipen jarraian lortu ditu azken asteetan eta jaitsierako postuetatik ateratzea lortu du, azken hiru hilabeteak zuloan eman ostean.
Azken bost jarduenaldietan lortutako lau garaipenei esker, Sito Alonsoren taldeaik hurbilago dauka salbazioa.