Hurrengo bi denboraldietan
Scariolo, Baskoniako entrenatzaile berria
Erredakzioa
Bresciako teknikaria 97/98 eta 98/99 denboraldietan aritu zen Laboral Kutxan, eta orain Gasteizera itzuliko da.
Sergio Scarioloren artxiboko irudia. Argazkia: EFE
Sergio Scariolo da Laboral Kutxako entrenatzaile berria. Italiarrak bi urteko kontratua sinatuko du, eta Zan Tabaken lekua hartuko du.
Bresciako teknikaria Gasteizera itzuliko da, 97/98 eta 98/99 denboraldietan Laboral Kutxa zuzendu baitzuen. Urte horietan jokatu zuen taldeak ACB Ligako bere aurreneko finala, eta bigarren Kopa titulua eskuratu zuen. Scariolok Armani Milano entrenatu zuen aurreko denboraldian.