Bi denboraldirako
Scariolok 'ilusioz' heldu dio bere bigarren etapari
Erredakzioa
Baskonian entrenatzaile lanetan ari zen aurreko aldian, gasteiztarrek ACB ligako lehen finala jokatu zuten 1997-98 denboraldian, eta 1999an Errege Kopa irabazi zuten.
Your browser doesn’t support HTML5 video
Sergio Scariolok "ilusioz" eta "etorkizunari begira" ekin dio Laboral Kutxa Baskoniaren entrenatzaile lanari. Italiarraren bigarren aroa izango da gasteiztarren aulkian, 1997 eta 1999 urteen artean ere arabarren arduradun nagusia izan baitzen.
52 urteko entrenatzailea ostiral honetan aurkeztu dute. Scariolo Josean Querejeta presidentearekin batera agertu da prentsaurrekoan eta bi urterako kontratua sinatu du. Querejetaren hitzetan, aurkezpen ekitaldia taldeak izan dezakeen entrenatzailerik "onenari" "ongietorria" emateko egin dute.
Scariolok etapa berria eta duela 16 urtekoa bereiztu nahi izan ditu. Italiarrak "etorkizunean" bakarrik pentsatu nahi du, taldearekin "gauza positiboak egiteko".
Gasteizen izan zen aurreko aldian, Baskoniak ACB Ligako bere lehen finala jokatu zuen 1997-98 denboraldian. 1999. urtean, berriz, Errege Kopa irabazi zuten, Valentzian.