Euroliga, 17:00etan
Baskoniak Errusian jokatuko du arratsaldean
Erredakzioa
Caja Laboralek Eurokopako txapeldunaren aurka jokatuko du gaur. Partida 17:00etan hasiko da, eta zuzenean eskainiko dute eitb.com-ek eta ETB1ek.
Laboral Kutxak Errusian jokatuko du Lokomotiv Kubanen aurka. Argazkia: EFE
Laboral Kutxak Errusian jokatuko du gaur Euroligako bosgarren jardunaldiari dagokion partida. Azken Eurokopako irabazlea den Lokomotiv Kuban izango du aurkari. Norgehiagoka 17:00etan hasiko da Krasnodarren, eta zuzenean eskainiko dute eitb.com-ek eta ETB1ek.
Baskoniak garaipena lortu nahi du, azken partidan Izar Gorriaren aurka galdu baitzuten Buesa Arenan. Ondorioz, garaipena bilatu behar du Arabako taldeak, Top 16rako sailkapena maldan gora ez jartzeko. Laboral Kutxak bi partida irabazi ditu orain arte jokatu diren lau jardunaldietan, eta Lokomotiv Kubanek hiru garaipen eskuratu ditu.
Sergio Scariolok ez ditu jokalari guztiak prest izango. Fabien Causeur eta Lamont Hamilton bajan daude, eta Laboral Kutxak horiek gabe jokatu beharko du ostegun honetan.