Jelinek: 'Gakoa defentsa izango da, Makabiren aurka'

David Jelinek Makabi Electraren aurkako partidaren garrantzia gogoratu du gaur, entrenamenduaren ostean. Laboral Kutxak garaipen oso garrantzitsua lortu zuen Endesa Ligan, Unicajaren kontra, baina Euroligan aurrerapausoa emateko Israelgo taldea gainditu beharko du.

"Partida oso garrantzitsua dela badakigu. Errusian partida ona egin genuela uste dut, baina ezin izan genuen ondo burutu. Unicajaren aurka neurketa ondo bukatu genuen, eta aurrerapausoa eman genuen. Horrela jarraitu behar dugu", esan du Jelinekek.

Nocionik ezin izan du Tel Aviven jokatu, eta txekiarrak minutu gehiago jokatzeko abagunea izan lezake: "Nocionik beti energia ematen digu, eta ez dagoenean besteok defentsan asko sakatu behar dugu. Unicajaren aurka maila ona mamntendu genuen ia norgehiagoka osoan.Makabiren kontra antzekoa izango da", azaldu du David Jelinekek.

Gainera, Laboral Kutxan gustura dagoela onartu du, Sergio Scariolo teknikariak "konfiantza" ematen baitio.