Euroliga
Laboral Kutxak sailkatuta egotearen lasaitasunarekin jokatuko du
Erredakzioa
Baskoniak Izar Gorriaren aurka jokatuko du gaur, 18:45ean. Partida zuzenean eskainiko dute eitb.com-ek eta ETB1ek.
Andres Nocionik belauneko lesioa gainditu du, eta jokatzeko prest dago. Argazkia: EFE
Laboral Kutxa Baskonia Euroligako Top 16rako sailkatuta dago jada, baina sailkapena hobe dezake D multzoan. Ostegun honetan Izar Gorriaren aurka jokatuko dute Belgradon (18:45ean) eta partida zuzenean eskainiko dute eitb.com-ek eta ETB1ek.
Izar Gorriak ezustekoa eman zuen Buesa Arenan Baskoniari irabazita (63-73). Porrota kolpe latza izan zen Laboral Kutxarentzat, baina Arabako taldeak ondo gainditu zuen egoera hurrengo partidetan. Scariolok zuzentzen duen taldeak bost garaipen lortu ditu zortzi partidatan eta Maccabi Tel Aviv eta Lokomotiv Kuban gaindi ditzake sailkapenean.
Partida honetarako Andres Nocioni jokatzeko prest izango du Sergio Scariolok. Jokalari argentinarrak hilabete eman du belaunean min hartuta. Illiame Diop deialditik at uztea erabaki du Baskoniako entrenatzaileak.